ENTREVISTAS REALIZADAS POR DIFERENTES MEDIOS SOCIOCULTURAIS E PERIODÍSTICOS A VECIÑOS DE CABO DE CRUZ

O COMETIDO DESTE BLOG É O DE RECOPILAR ENTREVISTAS A XENTE CERCANA A CABO DE CRUZ. A MAIORÍA SON FEITAS POLA VOZ DE BARBANZA, E UNHAS CUANTAS DO DIARIO DIXITAL "CERTO.ES", ASÍ QUE SIMPLEMENTE SON LIGAZÓNS A ALGÚNHAS DESAS REPORTAXES. OUTRAS DAS QUE CARECEN DE LINK EN INTERNET, SERÁN POSTAS DIRECTAMENTE COMO NOVAS ENTRADAS.

SI ATOPAS ALGUNHA OUTRA QUE NON ESTÉ NESTE LISTADO, NON DUBIDES EN NOTIFICALO, DANOS UN TOQUE PARA ENGADILA.

domingo, xuño 09, 2013

RAMÓN HERMO «As empresas non se poden levar a distancia, hai que estar nelas, cos empregados»

LA VOZ DE GALICIA
09 de xuño de 2013 

Ramón Hermo está convencido de que morrerá novo: «Hoxe traballo máis que nunca. Nin sequera cando montei Foelca traballaba tanto. Fago quilómetros como un mono. Non paro. Durmo mal ao mínimo problema, porque a miña cabeza, como o buscador dun computador, non para ata achar solucións. Morrerei novo, pero esta é a miña vida». Para entender as palabras deste emprendedor basta sinalar que ten factorías en Galicia, Castela León e Andalucía, e desenvolve iniciativas empresariais en Sudamérica ou Kazajistán.

-¿Non se sente cansado con 35 anos de labor empresarial?
-Só me atopo fisicamente cansado cando me dan os ataques de pinga ou tomo a medicación da diabetes. Mentalmente, estou coma se tivese 18 anos, teño a mesma ilusión. A min estas cousas rexuvenécenme. As empresas non se poden levar a distancia, hai que estar nelas, cos empregados. É a mellor forma de detectar os problemas a tempo para actuar de forma adecuada.
-¿Que foi do proxecto de reciclaxe de plásticos Plasticur?
-Estamos no proceso para facernos coa nave. Imos adquirir 70.000 metros cadrados e reservámonos unha opción de compra de 130.000. E é que practicamente xa temos carga de traballo porque reformulamos o proxecto inicial e aínda que mantemos a idea de reciclar plástico sucio para taboleiros cuxo uso poden ser encofrados, valos publicitarios, ou mobiliario, indagamos con éxito a fabricación e manipulación da fibra de carbono para a súa aplicación no sector da aeronáutica, mundo que ten hoxe moito traballo, e estamos a piques de asinar un acordo coa empresa mixta que fai o talgo de Kazajistán e sondamos opcións con Airbus.
-¿Máis iniciativas en mente?
-Como hai pouco lin na prensa que están a roubar tapas de sumidoiro de fundición, porque teñen saída no mercado negro de metais, deseñamos unhas de fibra con menos valor que xa espertaron interese nunha gran compañía. E agora estou inmerso en resolver os problemas de calcificación das caldeiras e quentadores en poboacións mediterráneas.